مراتى مبتخلفش

مراتي فضلت حوالي سنتين بعد الجواز مبتخلفش, وفضلنا نجري من دكتور لدكتور لشيخ لدحال ومفيش أي نتيجة للأسف, وده لأن الموضوع عندنا صعب شوية وفكرة إنك متخلفش بنعتبرها عيبة كبيرة في حق الراجل وحق الست, عشان كدا أول ما حملت كنت طاير من الفرحة ومش مصدق أخيرا انها هتخلف وهرفع راسي وسط الناس كلهم, وحتى يوم ما عرفنا الخبر أختي عملت وليمة كبيرة أوي في البلد ووزعت على كل الناس تقريبا..

وفضلنا منتظرين الطفل بفارغ الصبر, شهر واتنين وتلاتة, لحد ما جه يوم الولادة وخلفت مراتي طفل يبان انه عادي, بس نظرة أختي كانت قلقانة وبتقول انه استحالة يكون عادي, الطفل ده مش طبيعي إطلاقا, وفعلا وبعد كام شهر بدأت تظهر ملامحه, وكان واضع انه هيطلع طفل عنده تأخر عقلي, وقتها مراتي حملت مرة تانية, واستنينا بفارغ الصبر, وخلفت طفل من تاني يعتبر نسخة من أخوه, طفل عنده تأخر عقلي وملامحه مختلفة عن كل الأطفال, مكناش نعرف ان الحالة دي اسمها “متلازمة داون”

وفي يأس كبير حاولت المحاولة الأخيرة يمكن تنصفني المرة دي, بس للأسف جه التالت نسخة من اخواته الاتنين, وقتها تمنيت من كل قلبي لو كانت مخلفتش من الأساس, وكنت طىلقتها واتجوزت غيرها, أو كانوا يمو*توا وميخرجوش للدنيا من الأساس, وكلها سنتين بس واللي توقعته لقيته, أنا اللي ليا اسم كبير في البلد كلها واسمنا معروف بقا بيتقال لولادي في الشوارع “العبايط” أو العيال المتخ*لفين اللي مبيفهموش, وكنت بتجنن لما بيوصلي الكلام ده, وعملت خىناقات كبيرة كانت هتوصل للمو*ت مع أكتر من حد لأنه بيقول كدا على عيالي, بس ده موقفش الناس, خاصةً اللي بيحبوا يشىمتوا فينا وفي عيلتنا الكبيرة المعروفة, ومن جوايا بدأت أدور على أي حل للمشكلة اللي انا فيها دي, الطىلاق مش حل, وبقا عندي رعىب من إني أتجوز تاني وأخلف نفس الشكل ده, وقتها هيتأكد الظن إن انا عندي مشىكلة كبيرة, انما دلوقتي أقدر أرمي المشكلة على مراتي مش عليا انا..

وبدأت أشتكي لأختي مرة واتنين, أختي الكبيرة اللي تقريبا كنا بنعتبرها كبيرة العيلة مش أختنا بس, وبدأت تكلمني عن تخوفات جواها, التخوفات عبارة عن إن نسل عيلتنا شريف, مبيخرجش أطفال بالشكل ده, وانها شاكة إن مراتي عملت الحىرام مع حد تاني وجابت منه العيال دول, كلامها خلى النىار تولىع جوايا, لدرجة إني مسكت وكنت رايح أقت*لها, بس أختي قالتلي انا هتأكد الأول, وطلبت مني شعرة مني عشان تكشف وتتأكد العيال دول ولادي ولا لا, العيال ولا شبهي ولا قريبين من طبعي وصفاتي من الأساس..

واستنيت رجوعها على نىار لأكتر من 8 ساعات, وفي الآخر رجعت وقالتلي انهم مش ولادي, وان مراتي جابتهم من حد غيري, وبالأخص لما اتأخرنا في الحمل راحت اتصرفت وعملت ده مع حد تاني, عنيا احمرت وبدأت الدنيا تتلون باللون الاسىود قدامي, أختي مسكتني بالعافية وقالت ان التنفيذ لازم يبقا بحرفنة عشان محدش ياخد باله مننا, وهنقول انها هربت بالعيال لأنها ملبو*سة من الج*ن, والعيال اللي خلفتهم دول كانوا من الج*ن..