انا أنهاردة كنت راكب مواصلة في الكرسي الاخير

أنا النهارده كنت راكب مواصله فى الكرسى الاخير مع اتنين تانى، وجنبى بنوته ووزنها زايد وشاب تلاتينى والمفروض إن الكرسى ده بيساع أربعه فكل م السواق يوقف لواحد ويقوله اركب رابع ورا لان المفروض ان ده المكان الفاضى فى العربيه كلها،الراكب يحاول يتحشر وسطنا فيضايق فينزل..

قام السواق اخر ما غلب ض*رب كف على كف و قال بمنتهى قلة الأدب وقلة الذوق اللى فى الدنيا..”انا غلطان المفروض الواحد يعاين الركاب قبل ما تركب ويركب السمبتيك بس”
كان بيرمى الكلام ع البنت اللى جنبى ،

اقسم بالله الجمله كل اللى عملته بصيت ع البنت دى بصه سريعه لاقيتها بتدخل باسورد موبايلها غلط اكتر من مره بمنتهى الارتـ,ـباك..

لاقيت السواق البجح بيديها الض*ربه القاضيه وبيقولها “يا ابله هتدفعى أجرة اتنين ولا ايه الكلام” قامت البنت ردت عليه بمنتهى كسرة النفس والكسوف وقالتله اللى تشوفه بنبره غالبها الاحراج..
قومت انا خلاص ولعت ولسه هرد ع السواق الملعون ده..لاقيت بطل زى اللى بييجوا فى الافلام كده فى اللحظه الاخيره فى الكرسى اللى قدامى بيقوم من النوم وبيشيل الاشعه من تحت دماغه وبيظبط العمه اللى فوق راسه وبيطلع منديل قماش بيمسح بيها تجاعيده وبيقول للسواق بلهجه صعيديه بمنتهى الجبروت : عارف يا واد لو كنت انا سواق وكانت دى عربيتى وانت شاورتلى ووقفتلك قمت انت ركبت وجيت تدينى أجره عليا الطلاق ما كنت خدت الاجره منك
مش كرم منى لا سمح الله بس عشان مينفعش تتحسب عليا نـ,ـفر او راجل عشان انت ولا نفر ولا راجل انت تركب عربياتنا من غير ما نشوفوك بنى ادم..لكن البت اللى ورا دى اللى عمال تقولها هتدفعى أجرة نفرين وتلقح عليها زى الحريم انا لو مكانك ادفعها اكتر عشان هى بمقامها واخده اكتر من كرسى فتتحسب عليا اكتر من واحد لكن انت واطى وقليل الادب وناقص ربايه والقرش الطالع من جيبك يحرم عليا اسكنه جيبى..هاخد فلوس من واحد مش عارف جنـ,ـسه اذا كان راجل ولا ست؟
طب سيبك الجنيه بتاعك لو كنت انا سواق كيف عاوزه يسـ,ـكن وسط الفلوس اللى فى جيبى عاوز فلوسى فى جيبى يصيبها العطب يا معطوب
..
ساعتها ابتسمت ابتسامه وفرحت فرحه غريبه والأغرب ان السواق مش عارف يرد رغم الاهانه دى كلها مش عشان الجد العجوز مش مديله فرصه بس جايز عشان كلامه منطقى ومالوش رد..
قام فجأه السواق قال للجد العجوز انت فى مقام ابويا ومش عاوز ارد عليك..
قام الجد قاله ترد كيف و دى معايا وطلع مسـ,ـدس من جيبه وقاله يمين بالله خساره فيك الطلـ,ـقه ودـ,ـمك الخالى من الاصول هترفضه الأرض ومش هتشربه يا ناقص لكن لو حتمـ,ـت هسـ,ـكن الطلقه فى لحمك النـ,ـجس
..
العربيه ساعتها بدأت تطلب م العجوز يصلى ع النبى وخلاص يعنى خد للبنت حقها ..
قام سكتهم كلهم وقال انا كنت عامل نفسى نايم وف حالى ومستنى دكر فيكم يرد ملقيتش..قمت انا رديت عشان ودانى فى الصعيد ربوها متسمعش الغلط وتعديه..هى وزنها زايد وبمزاجها تقدر تخس..لكن انتوا العـ,ـار عندكم زايد كيف هتخسسوه…يا محسـ,ـوبين علينا رجاله!!!

لوهله حسيت انى همو*ت واشوف ملامح البطل اللى مدينى ضهره و اللى اخد حق البنت وزياده فلاقيت الجد بيبص للبنت اللى جنبى وبيغمزلها غمزه طفوليه بضحكه تجنن قامت البنت ضحكت وردت فيها الروح..المهم انى اول ما شوفت ملامح الجد عرفت ليه السواق معرفش يرد عليه..اقسم بالله وبدون أفوره لو قولت ان دى اكتر ملامح حاده شوفتها فى حياتى ما هكون كدبت..عيون خضرا مرسومه وسـ,ـمار متوزع بشكل جميل على ملامحه ودـ,ـقن غلبها الشيب ملامحه جميله وحاـ,ـده فطبيعى يخاف منها الاندال..
الجد بعدها بثوانى جاله تليفون قام قال للسواق والله ما شالنى منك غير يوسف..ورد ع التليفون وقال..ازيك يا يوسف يا حبيب جدك متخافش الدكتور طمنى وقالى انى كويس اسبوع وهجيلك يابن الكلب وحشتنى..قفل المكالمه من هنا وقال للسواق بتلكيك باقى ربع جنيه من فلوسى الحره هاتوا..قام السواق بعتله الربع بمنتهى الهدوء قام الجد حط دماغه ع الاشعه تانى ولسه بيجهز نفسه للنوم قام بص للبنت اللى جنبى وقالها يلعن ابو اللى جاب اللى يزعلك يا جمر……….

وقَد يأتي أحدُهم خفيفاً يطفوا بجانبِك في كلّ هذا الغَـرق كجذع شجرةٍ يصلح للنَّـجاة…