شارعنا موجود جوه منطقة شعبية

عمارة الشمري كلنا تقريبًا بنشوف إن أكبر قوة شر متمثلة في الشـ،ـياطين والجـ،ـن.. لكن مافيش مرة فكرنا في النفوس اللي بتسخر كل ده في خدمة الشـ،ـر، وبتتحول الشيـ،ـاطين ساعتها لأدوات بتخدم شر اللي سخرها، والنفس البشرية هي أساس الشر، والعامل الأساسي اللي بيتبني عليه كل شيء سىيء وقىذر.. النفس السبيئة بتهيأ لصاحبها كل السبل الممكنة والغير ممكنة إنه يُشبع شىهوته في ممىارسة الشـ،ـر.. شارعنا موجود جوه منطقة شعبية، وجوه شارعنا، وتحديدًا قصاد العمارة اللي أنا ساكن فيها في أرض فاضية وعليها سور من الطوب.. بالبلدي كده هي خىرابة، مليانة زىبالة أعزكم الله، ومستنقع للحشرات، ومن تكدس الزىبالة فيها بتولىع لوحدها بسبب حر الصيف.. سنين ووسنين وفضلت الخىرابة على دا الحال، لحد ما صحينا يوم الصبح لقينا دوشة وأصوات حفر وخلافه، وعرفنا إن في ناس اشتروا حتة الأرض دي، وقرروا يبنوا عليها عمارة سكنية كبيرة..

ساعتها كان لسان كل واحد من سكان شارعنا بيقول: إن أخيرًا القىرف ده اتشال، وهيبقي مكانه في حاجة كويسة بدل الريحة النىتنة والحىرايق اللي بتحصل في الخىرابة.. وفي خلال سنة تقريبًا كانت العمارة خلصت وسكنت بالكامل.. بس بصراحة؛ بعدها بقينا نقول بندم: ياريت الخىرابة فضلت والعمارة دي ماكنتش اتبنت. اتعرفت العمارة باسم عمارة الشمري نسبة لصاحبها، وبقيت أشهر عمارة في الحي بالكامل بسبب الأحداث اللي حصلت فيها.. وبرغم إن فات على الأحداث سنين، إلا إن لسه سيرة العمارة وحكايتها عايشة بين الناس وبيحكوا عنها وعن غرابتها ورعبها لحد يومنا ده.

العمارة كانت 6 أدوار.. كل دور على شىقة واحدة، وكل شىقة بيسكنها أسرة ما جديدة عن منطقتنا لأن طبعًا العمارة لسه جديدة.. الدور الاول كان ملك لواحد اسمه محمد، وده كان بيوضبها عشان يتجوز، بالتالى كان بيجي كل فترة يظبط حاجات في الشىقة ويمشي. الدور التانى ملك لأسرة مكونة من 4 أفراد أم وأب في التلاتينات محمود وايمان وابنهم رامي وبنتهم رضوى الدور التالت كان لست أرملة اسمها مدام جيهان قريبة صاحب العمارة، عندها يجي ٥٠ سنة كده. الدور الرابع ساكن فيه عم سيد، وده راجل في السبعين من عمره ومراته الحاجة إلهام. الدور الخامس كان ابن صاحب البيت عصام وعروستة، اللي يا دوب اتجوزوا بعد شهر من انهاء بناء العمارة وكانت تقريبًا سكنت كلها.

الدور السادس والأخير كان بيسكنه العيلة الأغرب على الإطلاق، راجل رب أسرة اسمه متولى الدمرداش، وزوجته الحاجة أم ياسر، ومعاهم ابن مراهىق تقريبًا عنده 20 سنة، وكان ليهم ولدين كمان وبنتين متجوزين ومخلفين وبيزورهم كل فترة زي أي بيت مصري مترابط عادي، كل ده يبان عادي، إنما اللي مش عادي تصرفات وشكل ابنهم شهاب المراهىق، أول ما تشوف شهاب من النظرة الأولى هتعرف انه شخص غير سوي ومدىمن نوع من أنواع المخىدرات، تايه دايمًا، وعنيه مسىقطة وحمرا تحس إنه نعسان على طول، ومشيته كأنه خارج من فيلم للزومب، طريقة كلامه وصوته ومخارج حروفه مش مظبوطين، مش تريقة، هو بيتكلم بطريقة عجيبة، حتى لبىسه كان غريب جدًا..

وفي يوم سمعنا خناقة كبيرة ما بين عم متولي وشهاب ابنه، وكان صوتهم عالي جدًا، ولأن الدور اللي أنا ساكن فيه هو السادس زيهم، والعمارة في وش العمارة، فأنا سمعت كل الحوار اللي دار بينهم، وقال الحاج متولي لابنه: _ أنت مش ناوي تتعدل بقى؟ أنت إيه يا أخي شبطان؟ كل شوية أقول لنفسي ماتقفش عليه، سيبه بكرة هيكبر ويعقل ويرجع عن الطريق اللي هو ماشي فيه ده، لكن ولا بيحصل حاجة، كل يوم بتزيد شبطانتك أكتر وأكتر. فرد عليه شهاب بطريقة كلامه زي المتسىولين: _ بقولك إيه ياعم أنت، أنت تحلك وتفكك مني خالص عشان مش نقصاك، أنا أعمل اللي يعجبني براحتي، أنت مش هتشاركني. رد عم متولي وقال له: _ يا ابني أنا لحد دلوقتي مش راضي أطىردك، ولا أخلي أخوك الكبير يتدخل ويمد إيده عليك، لكن الموضوع زاد وانا مابقتش قادر عليك خلاص، وأنت كل مادا قلة أدبك بتزيد، والمرة دي النتيجة اهي، أمك مطلعة من جيبك شريط برىشام.

فرد شهاب على أبوه بكل قلة أدب:

_ هات بس ده كده ومالكش دعوة بيا وميخصكش.

سمعت بعدها صوت خبطت ورزع والزعيق زاد وبقى أعلى، فنزلت بصراحة وطلعت على شىقتهم، وماكنتش لوحدي، كان معايا معظم الجيران.. حاولنا نهدي الوضىع ونخلي الأب يجتنب ابنه، ومن الواضح إن شهاب مش في حالته الطبيعية.. خلصنا الموضوع وجزء مننا بدأ يهدي عم متولي، وجزء مننا أخد شهاب وفضلوا يكلموه وفوقناه، وخلناه يصالح والده ويعتذر له، ويوعده إنه هيبطل وهيرجع عن الطريق اللي هو ماشي فيه ده..

فات بعدها شهر؛ وكانت الأمور مستقرة وكل الناس في الشارع عايشة حياتها اليومية عادي جدًا.. وفي لبلة سمعنا عم متولى بيزعىق كالعادة لشهاب وبيقول له:

_ أنت كمان جايب واحدة البيت، أنت إيه خلاص فحرت للدرجة دي وماحدش قادر عليك؟