حزمان جوزي

بجد يا جدتي عمي بقى بيدخل في كل حاجه في حياتنا وانا الموضوع ده مضايقني جدا وعايزة حل بقا فيه لاني زهقت بجد

الجده

ازاي يا بنتي بتقولي الكلام ده وهو دلوقتي مكان ابوك الله يرحمه المفروض انه بيخلي باله منكم انتي واختك وما ينفعش كلامك عنه يبقا كده

ساره

اصل انت ما تعرفيش الحكايه كلها يا تيته بجد انا عمي ده مش بحبه عمي ده بيعمل ….

بعدها خرجت شيماء اختها وقالت

شيماء

تليفونك عمال يرن جوه تعالي يا هانم ردي عليه تيته انا هعمل شاي اعملك معايا

الجده

ماشي يا شيماء اعملي وانتي يا ساره اهدي بس قولي لي يا بنتي ايه اللي مضايقك عمك بيعملك ايه وبعدين انا عارفه ان الهانم هي اللي اكيد بتسلطه

شيماء

 

هي مين يا تيتة وبعدين يعني هو هيكون بيعمل ايه يا تيته ما انت عارفه عمال يكلمنا عشان مذاكرتنا عشان نخلي بالنا من مصلحتنا

ساره

انا داخله اوضتي احسن وبعدها دخلت وشويه دخلت شيماء اسمها وقالت لها

شيماء

هو انتي اتجننتي يا بت انتي ولا ايه هو انت كنت عايزه تقولي لتيته ايه احنا مش ناقصين مشاكل يا ساره مع عمك ما انتي عارفاه هو صعب ازاى

ساره

يعني انت عاجبك اللي بيحصل فينا ده بجد انا زهقت من العيشه معاكي وعادي مشينا من هنا

مش فارقه معايا

شيماء

يا حبيبتي امك فعلا بتقول لو مشينا من

هنا مش هنلاقي مكان نعيشي بطلي اللي انت بتعمليه ده وخلاص بقى احنا اتعودنا على الكلام ده

ساره

 

والله اللي بيحصل فينا ده حرام وظىلم

وبعدها اقعدت وفضلت تعيط

وفي شىقتي كنت قاعده ولقيت

حماتي جايه عندي وقولت

رقيه

اهلا وسهلا ازيك يا ماما عامله ايه كويس ان انت جيتي تعالي بقى علشان خاطر نتغدا سوا انا خلصت الاكل اهو

الحما

انا يا ختي جايه لك ولا عايزه اكل ولا اشرب يا حبيبتي انا عايزاكي تهدي شويه على بنات محمد ابني الله يرحمة انتي سامعه ولا لا ما تنكيش تسخني جوزك عليهم وتسلطيه

رقيه

انا بسخن جوزي عليهم طيب وليه انا هعمل كده ده حتى والله العظيم ده ربنا وحده يعلم أن انا اللي بحاول اهديه عليهم ازاى انا مش عارفه هو ماله ومالهم اصلا الفتره دي ده هو اللي شديد عليهم

الحما

 

على اساس ان انا عبيطه يا بت وهامل من الكلام اللي انتي بتقولي عليه ده بقولك اي ابعدي عن عيال محمد ولو خايفه ياختي

ان سناء تتجوز احمد احب اقولك شيلي الفكره دي من دماغك هي ولا عايزه تتجوز ولا عايزه حاجه منه اصلا

رقيه

اسمعي يا طنط انا مقدره الطريقه اللي انت بتتكلمي بيها عشان مخنوقه بسبب اللي عملوا احمد معاه ساره بس لو سمحت انا مش هسمح لك تتكلمي بالطريقه دي كده تاني

وبعدها خرج احمد من جوه وقال

احمد

ايه ده في ايه مالك يا ماما هو انتي عامله تتكلمي كده ليه هي البنت ساره قالت لك ايه بالظبط

الحما

ما قالتش حاجه يا حبيبي انت انت بس خف من ناحيتهم شويه مش كل شويه تفضل تزعق معاهم ما تنساش ان هما يتما ومحتاجين حد حنين عليهم مش هتبقا انت والزمن عليهم يا بني

احمد

 

يا ماما دول بنات والبنات لازم يتشد عليهم شويه هو انت مش شايفه طريقه لبىسهم وكلامهم عامله ازاي لو اخويا الله يرحمة موجود مكنش عجبه الوضع ده خالص

الحما

انا معاك يا بني انهم بنات وعايزين الشدة عليهم ماشي يا حبيبي بس بالراحه مش كده المهم قبل ما انسى ابقى فضي لي الاوضه اللي فوق عشان عايزه اجرها بصراحه انا محتاجه فلوس

احمد

ازاي الكلام ده يا ماما انت عارفه كويس قوي ان انا حاطط فيها حاجتي كلها. ومش هينفع اسبها وبعدين تاجري ايه دي صغيره ومش هتنفع

الحما

لا يا حبيبي دي كويسة وانا هلاقي لها أي حد يقعد فيها وبعدين انا كل ما بطلع بلاقي الاوضه دي فاضيه حاجه ايه اللي انت حاططها فيها دي

احمد

قولتك يا ماما انا عايزها لو سمحت ولو عايزه اي فلوس انا هدفعلك الفلوس اللي انت عايزاها خلاص

الحما

خلاص يا حبيبي هو انا هاخد من ابني فلوس يعني وبعدين هو انت لابس كده ورايح على فين ده مـ,ـراتك بتقول ان انتو لسه هتتغدوا

احمد

 

ورايا مشوار مهم ولازم اروحه دلوقتي ولما ارجع ابقا اكل

رقيه

طيب على الأقل اقعد كل وانزل يا احمد ماينفعش كده يعني انا خلصت الغدا

احمد

مش هينفع لما ارجع ابقي اكل وبعدين لو جعانة انتي كلي يلا سلام

ومشي احمد وامه قالت

الحما

هو جوزك ماله يابت انتي شكلك منكده عليه صح

رقيه

لا حول ولا قوة الا بالله انت علطول ظالماني كده والله حرام كده يعني اللي انتي بتعمليه ده

وبعدها احمد راح للدكتور