راوتر البيت

يا جماعة محتاجة حد يرد عليا دلوقتي أخو جوزي ركب راوتر في البيت وجوزي هو وأخوه اتفقوا يشتركوا فيه وإدوا الباسورد لمرات إخواته بس جوزي مش راضي يديني الباسورد ومنع الكل يديني الباسورد وبيقولي لو عاوزة نت اشحني لنفسك مع إني من أول ما اتجوزته عمره ما شحنلي رصيد ولا مرة وبيقولي اللي عاوزك يكلمك انتي متكلميش

حد وهو كمان ما بيدينيش مصروف في إيدي خالص وكل ما أحتاج فلوس بطلب على قد الحاجة وبيحاسبني على كل حاجة بورقة وقلم

لما بابا أو أخويا بيتصلوا بيا وما بردش بيسألوني ليه مش بتردي بقولهم مفيش رصيد فيبعتولي فلوس ولما بزورهم بيدوني فلوس وده اللي بمسكه في إيدي بس وجوزي طول

الوقت في الشغل عاوز يكلم العيال فيديو ولما يتأخر بره ويتصل بيا وما بردش يتقمص ويقوللي مش فارق معاك تأخيري ليه

المهم اتعودت على كده ومن فترة وأنا بقلب في فيديوهات في تليفوني وشوفت فيديو بيعلم ازاي تدخل على الشبكة المتوصلة بالشاشة وعرفت أدخل فعلا

الموضوع بقاله يومين بس امبارح جوزي فتح تليفوني وشاف الشبكة متوصلة فضل يزعق ويشتم ويضربني ويقوللي انتي حرامية وانك ما تتأمنيش واتصل بإخواته ومرات إخواته وقالهم وسوّد صورتي قدامهم كلهم وقالل

أنا ما عادش ينفع أعيش معاكي وخاف على نفسه مني

أنا حسيت بإهانة وسبت البيت ومشيت وهو كلم بابا عادي بيضحك وبيهزر معاه وقاله دي سابت البيت علشان الواي فاي وأنا بجب لها كل حاجة ومش مخليها محتاجة حاجة وبابا مصمم إني أرجع عشان شايف الموضوع تافه

قلت لبابا خليه يكلمني ولما كلمني قلتله هرجع على أي أساس انت بتقول عليا حرامية وكلمت إخواتك وخليت شكلي وحش قدامهم كلهم رد عليا وقاللي مالكش دعوة بكلامي مع إخواتي قلتله اتكلموا براحتكم بس ما يكونش اسمي أنا محور الكلام

دلوقتي لو أي حاجة ضاعت أو حصلت مشكلة هيقولوا جوزها قال عليها حرامية وده اللي هيقوله أي حد وهو شايف إني عايشة معاك بقالنا سنين وسابني أواجه ده

رد عليا وقاللي من أول لو كنتي قلتيلي انك دخلتي على الشبكة ما كانش ده كله حصل وقاللي لولا إني اكتشفت الله أعلم كنتي ممكن تعملي إيه تاني قلتله ده مش سبب نرجع بيه لبعض

قاللي بصراحة مش فاضي وإنك هترجعي زي ما أبوكي قال ولا براحتك وقفل السكة في وشي

أنا دلوقتي مش عارفة أنا الغلطانة ولا لأ.