بعد تلت سنين حب وسنتين خطوبه عريسى اختفى

وفعلا دخل نام وساب باب أوضته مفتوح ودا كان مطمني شويه فروحت في النىوم وأول ما صحيت الصبح إتصلت بتيتا جدة أحمد وبلغتها بالحلم اللي حلمته واللي ماكنتش عارفه دا كان حلم ولا إيه فطلبت مني إني أروح لها أول ما ينفع أخرج فماكدبتش خبر وقولت لها أنا جيالك حالا قبل ما بابا يرجع من الشغل ومجرد ما وصلت عندها لقيتها منتظراني تحت قدام بيتها واخدتني وركبنا توكتوك قعد يدخل بينا في شوارع ومدقات تحت الدائري ومحاوره لغاية ما وصلنا بيت قديم وفي وشه محل ميكانيكي بتاع تكاتك فوقف التوكتوك قدامه ونزلت أنا وهي دخلنا ناحية شىقه في الدور الأرضي وخبطنا على بابها ففتحت لنا البنت الصغيرة مرافقة الحجة سليمه واللي لما ركزت في ملامحها لقيتها فعلا طفله بريئة ومستحيل تكون هي اللي كانت عندي في الأوضة إمبارح بالليل وإن اللي كان عندي أكيد روح متجسده في صورتها فسلمت عليها وابتسمت لها المرة دي ومديت إيدي في شنطتي وطلعت عشرين جنيه وعطيتهالها في السر وكان باين عليها الفرحة وهي بتخبيها قبل ما حد يشوفها فاتأكدت فعلا انها طفلة بريئة مغلوبة على أمرها…

[[system-code:ad:autoads]]ومجرد ما قعدنا في أوضة الكنب لقيت الحجة سليمة جايه بتتعكز على عكازها لغاية ما قعدت على طرف الكنبه اللي أنا قاعدة عليها وقالت وهي باصه لقدام _قربي يابنتي ناحيتي

فقربت منها لغاية مابقي بيني وبينها مافيش شبر واحد فمدت أيدها تحسس جنبها لغاية ما مسكت إيدي وقالت لي_إحكي يا صبيه كل اللي شفتيه لبلة إمبارح..

فبدأت أحكيلها اللي شفته وإحساسي من وقتها بإن في حد بيراقبني خاصة إن إحساسي دا زاد من وقت ما دخلت عندها

فكانت بتسمع وهي بتهز راسها لغاية ما خلصت كلامي ففضلت تدندن بترانيم غريبة وهي باصه للسقف وبتطوح راسها يمين وشمال وبعدها قالت_خطيبك ماټ خلاص يا صبية ماټ مغدور وروحه نافره وهايمه حواليكي وعايزه تحضر في أي جسد من تاني

ساعتها كان كلامها عن مت أحمد عامل زي رصاصة الرحمة بالنسبة لي واللي جات عشان ترحمني وتأكد كل اللي كان جوايا لكن الغريب إن كان مرتبط بكلامها علامة استفهام جديدة

فسألتها وانا نفسي مكتوم ونفسي أعيط ومش قادرةيعني إيه يا حجه

فرجعت بصت قدامها _زي تناسخ الروح كده يا صبية عمرك ما سمعتي عنه

لأ سمعت

فحطت أيدها على كتفي وقالت_ هو بقا روحه حايمه حواليكي من ساعة ما وصلك في الجلسة وماعدش عايز يسيبك لانه متعلق بيكي ومنتظر إنه يحضر في جسد يكون من خلاله قريب منك وساعتها ممكن لما يرجع ينتىقم من اللي غدروا بيه..لكن هو تعلقه الأول بيكي أنتي

طب وهو دا ممكن يحصل يا حجة سليمه

_بتسألي عشان نفسك يحصل ولا بتسألي للعلم بالشيء

بسأل للعلم

—

بالشيء

_منين ما هيحضر الجسد اللي ينفع يسكن جواه ويبقى جنبك هيبان ينفع ولا ماينفعش والمكتوب على الجبين لازم تشوفه العين يا صبية

طب ولو مش عايزاه يعمل كده وعايزة أقفل الصفحة دي وانساها واعيش حياة طبيعية

_ياريت كان ينفع يا صبية ما انتي يا بنتي اللي حضرتيه وبعدين مش دا خطيبك اللي كنتي مستعدة تعملي أي حاجة عشان يرجع وأديكي عملتي وعملك نفذ ورجع ومش بإيدك تحددي رجعته على هواكي

طب وماينفعش تصرفيه

فاتلفتت للسقف ودارت بوشها فيه وكأنها بتشوف وقالت_ماعرفش يابنتي يمكن لما يتجسد مره تانيه نصرفه بلا رجعه لكن هو المره دي ناوي يختار هيتجسد في مين وفي الأغلب هيكون حد قريب قوي منك ومنتظر كمان إنك تساعديه……

وقتها كنت عايزه أصرخ فيهم هم الاتنين وأقولهم أنتوا السبب انا كان مالي ومال عمايلكم دي منكم لله لكن خۏفت ومانطقتش وخرجت مع جدة أحمد وركبنا توكتوك رجعنا عند بيتها ومن هناك أخدت تاكسي لبيتنا وأول ما بابا رجع من الشغل بلغته اني خلاص موافقة على فسخ الخطوبة كنت عايزه أقفل الصفحة وأنكر كلام سليمه دي وانساه واقفل الصفحة دي نهائي وارجع أعيش حياة طبيعية وفعلا خلال أيام كان بابا خلص كل حاجه مع أهل أحمد وقىلعت دبلتي وبعدها رجعت أشتغل في مكتب المحاسبة اللي كنت بشتغل فيه وبدأت أتناسى وأقول مع الوقت أكيد هنسى خالص لكن للاسف كنت دايما حاسه إن في حد مراقبني …

[[system-code:ad:autoads]]فلما كنت امشي في شارع ضلمه وهادي كنت بحس كإن في صوت خطوات ورايا لما أعدي من جنب بناية مهجوره وعيني تترفع عليها صدفة كنت اتخيل ان في حد بيبص عليا من ورا شبابيكها حتى في حياتي العاديه في البيت او الشغل او الشارع كنت دايما حاسه إن في حد معايا واحيانا كنت أحس بهوا دافي بېلمس خدودي ورقبتي وشعري وكل دا كان كوم والنىوم في أوضتي كان كوم تاني على الرغم من إني بدلت أوضتي مع أوضة ياسر لكن كل ما كنت أحاول أنام كنت احس بنفس الهوا الدافي جنبي على السىرير كنت بخاف وانا بغير هىدومي واحاول اخلص بسرعه جدا

حتى الشاور كنت بټرعب وانا بخده خاصة لما احس بالهوا الدافي دا وكإنه حىاضني….