ناريمان صحبتي عروسة جديدة اتجوزت من أسبوع واحد بس
واحنا عادتنا ك بنات بنسيب لبعض مساحة في بداية الزواج من باب الأدب والذوق. لكن لقيت ناريمان هي ال بعتالي بعد حوالي أربع أو خمس أيام من فرحها وبتقولي شهيرة. كنت سعيدة جدا أنها بعتتلي علشان اطمن عليها ولاني مفتقداها جدا رغم أن مدة غيابها عني مش كبيرة. رديت من فرحتي قولتلها صباحية مباركة يا عروسة لكنها ردت عليا بشكل وقع قلبي لما قالت عروسة إيه أنا في کاړثة!!
کاړثة إيه ال ممكن تحصل لعروسة في أول أسبوع من جوازها
مفاتش دقيقة ولقيت ناريمان باعتة صورة !
دي کاړثة..
واكيد کاړثة كبيرة
بيقول أن في چريمة حصلت في المكان ده
رديت وانا حرفيا صوابع أيدي مفيهاش اعصاب وقولتلها إيه ده.
كنت في حالة ذهول وسكوت!!
مش قادرة افهم شئ وخاېفة وقلبي مقبوض.
بقالي فترة كبيرة بشوف كوارث على
الانترنت لحالات كتير بين الأزواج وحاجة في قمة الړعب.
لكن عمري ما تخيلت إني هشوف ده في صحابي!!
وخصوصا ناريمان
ال قصة حبها هي وعبد العظيم معروفة في الشلة من سنين.
فات شوية وقت عقلي فيهم بينفحر من التفكير ومليون سيناريو جوا دماغي كلهم اسوء من بعض.
ردت ناريمان عليا فويس وصوتها مكتوم وحزين بشكل يقهر وقالت ان.. انا مش…مش فاهمة حاجة يا شهيرة من يوم ما دخلت بيتي وكل حاجة مرعبة وغريبة حتى عبد العظيم ال حبيته مش هو ده ال معايا في الشىقة دلوقتي.
حسيت أن الكلام مش هينفع شات وجريت طلعت رقمها واتصلت عليها أربع مرات ورا بعض بتكنسل عليا!
رجعت بعتلها واتس من تاني ناريمان طب ردي عليا خليني أفهم فيكي إيه وايه ال بيحصل.
وللأسف قفلت نت
ولما اتصلت كانت قفلت تليفونها كمان.
خلاص أعصابي مش قادرة اتحمل قلقي عليها
واتصلت على وردة اخت
ناريمان يمكن عندها معلومات اكتر تطمني بيها.
_الو يا وردة أنا شهيرة.. هي ناريمان كويسة
ايوا الحمد لله زي الفل.
_بس دي كلمتني وصوتها مش كويس انتي متأكدة
والله كويسة ياشهيرة دي أختي ثم سيبك من هرموناتها انتي عارفة ناريمان دارمية اوفر يعني الله يكون في عون زيزو معاها.
قفلت معاها وانا مش قادرة اشرحلها ال ناريمان قالتهولي ولا الملاية ال شوفتها
خۏفت افشي سر صحبتي يمكن خفياه عن أهلها.
فضلت قاعدة طول اليوم قلقانة والتوتر باين عليا
لحد ما جالي اتصال من ناريمان أخيرا….
_ناريمان.. انتي كويسة حرام عليكي بمۏت من القلق عليكي.
أنا مش كويسة يا شهيرة عايزة حد جنبي وخاېفة.
_طب ينفع اجيلك بكرا
ياريت.. عبد العظيم خلاص نازل شغله الصبح بدري أول ما ينزل تعالي بسرعة.
_حاضر من النجمة هتلاقيني جنبك بس حاولي تهدي ومتقفليش تليفونك تاني.
النىوم طار من عيوني
طول الليل بسبب التفكير في أزمة صحبتي والکاړثة ال لسه معرفش تفاصيلها.
انتظرت الساعة عشرة الصبح ونزلت روحتلها
اتصلت عليها كذا مرة وانا تحت العمارة مردتش عليا.
كنت خاېفة أطلع الاقي جوزها لسه منزلش واتحرج
وده نظرا أنه لا بيطيقني ولا بطيقه عموما من فترة الخطوبة.
فضلت واقفة على جنب في الشارع لحد ما لقيت عبد العظيم خارج من العمارة مستعجل وركب المكنة بتاعته ومشي.
كنت مركزة معاه من أول ثانية خرج فيها
وحسيت بتغيير غريب فيه!!
عبد العظيم جسمه اتغير وشكله
بقا تخين وعريض أو عموما هو متغير مش عبد العظيم بتاع الخطوبة المسلوع ال كنا بنشوفه.
طلعت بسرعة لناريمان ال فتحتلي الباب واټصذمت بمنظرها!!
ناريمان زهرة شلتنا وأجمل ما فينا عيونها كلها سواد ووشها أصفر ومسحوب كأنها مريضة.
وبدأت تبكي بأنهيار وجسمها كله بيترعىش.
مش قادرة افهم ال فيها
لكن
حالة ناريمان بتقول أن في کاړثة كبيرة..
بعد ما
بدأت ناريمان تهدا
بدأت تحكي لي بضعف وقالتلي البيت ده وحش يا شهيرة اوي.. عايزة ارجع بيت أهلي أنا كنت غلطانة في اختيار عبد العظيم ده شبطان مش طبيعي.
كلامها كله مبهم
سألتها أنا لما شوفته وهو خارج من العمارة شكله كان غريب انتي حسيتي ب ده.
هزت راسها وقالتلي الحمد لله أنك خدتي بالك علشان تتأكدي أن عبد العظيم اتبدل ومش هو ده الشخص ال حبيته طول الخطوبة.. أنا عايشة مع شبطان يا شهيرة.. مستوعبة كلامي.
حاولت اوصلها إني مصدقاها بكل الطرق
ولما اطمنت بدأت تحكي تفاصيل اكتر وقالتلي من أول يوم جواز عبد العظيم كان بيضحك كتير.. ضحك هستيري مش طبيعي! خوفني منه وحسيت أنه مچنون أو ملبىوس مش عارفة.. بيقعد يغني في الحمام بصوت عالي جدا وبيتأخر كتير يمكن اول يوم قعد ساعتين في الحمام على الحال ده..
عديت اول يوم يمكن بنتأقلم على أسلوب بعض من اول
وجديد كمتزوجين
وتاني يوم كانت الکاړثة يا شهيرة..
مع أنها امبارح ماكنتش كده.
جريت على عبد العظيم في المطبخ بقوله ألحقني السىرير كله قعد يضحك ويقولي بطلي خوف شوية.
مش فاهمة كان جايب الثبات ده منين
ورغم أن وشه بيضحك الا أن عيونه كانت مرعبة تحسيها ثابتة مبتتحركش!!
خدته ودخلته الاوضة علشان يصدقني
بص على الملاية بكل هدوء وقالي ايوا أنا ال فرشتها من شوية.
وسابني ودخل للمطبخ تاني ولا كأنه شايف ال أنا شايفاه.
صورتها علشان حد يأكدلي اني مبتوهمش
وقعدت تلت ليالي رافضة أدخل اوضتنا من تاني
وهو بدأ يكون عصبي زيادة عن اللزوم وصوته طول الوقت عالي وعيونه كلها شړ.
كأنه بيقولي انتي كشفتيني بس أنا هخليكي عايشة زي المچنونة مش عارفة الحقيقة من الوهم.
علشان كده بعتلك يا شهيرة
ملقتش حد غيرك يفهمني أنا
صح ولا غلط.
مشكلة ناريمان غريبة عليا!
إزاي تتجوز اكتر واحد بتحبه ويكون ده حالها من أول اسبوع معاه.
وليه هو تعمد يكون طبيعي قصاد الډم وعايز يجننها بالشكل ده
كل ال في بالي دلوقتي أن عبد العظيم ملبىوس
أو… أو هو شبطان أصلا.
مش معقول شاب يسيب أهله في الأقصر ويجي يعيش في القاهرة ومحدش شاف أهله غير يوم الفرح وبس..!
ناريمان اجمل بنت فينا
وقعدت فترة شاكين أن ليها جىن عاشق.
واول ما اتخطبت لعبد العظيم ده من بعد ما كانت پتكره الرجالة وعدوانية كلنا نصحناها بلاش الشخص ده شكله مش مريح إلا هي.. كانت واقعة في حبه بطريقة مش عادية.
وده لوحده كافي يأكدلي ظنوني دلوقتي…!
