أخو جوزي خلاني

وقبل ما نحكي حكايتنا اعرفكم بنفسي انا اسمي سمر وعندي 24 سنة اتجوزت وبعد جوازي بسنة جوزى اتوفى في حاډثة وفضلت عايشه مع حماتي بقالي سنتين هي ست صعبة جدا بس مش هينفع ارجع بيتنا

تعالو نعرف الحكاية

في يوم كنت اعده لقيت حماتي بتقولي

الحما زينب

بت ياسمر اعملي حسابك اننا هننزل نشتري شويه حاجات عشان سلفك راجع كمان يومين من السفر

 

سمر

حاضر ياماما ربنا يرجعة بالسلامة ان شاء الله

زينب

يارب منا مبقاش فاضلي غيرة بعد المرحوم اخوه ماراح ونفسي افرح بيه بس يارب يطلع وشها حلو عليه مش فقر زيك ډخلتي علينا وابني راح بعد جوازكم بسنة

سمر

الله يسامحك ياماما انا مش هزعل منك عشان عارفة انك بتحبيني وبتقولي كده من ورا قلبك

زينب

لا ياختي ولا بحبك ولا نيلة انا سيباكي اعده معايا شفقه وكمان عشان تخدميني وبعدين انا عارفه ان مرات ابوكي مش بطيقك ومش عايزاكي في البيت عندها

 

سمعت كلام حماتي اللي نزل عليا زي الڼار في قلبي ودخلت اوضتي فضلت اعيط من قلة الحيلة اللي انا فيها

وخرجت انا وحماتي واشترينا حاجات كتير للبيت عشان خلاص ابنها راجع

وفي يوم بنضف البيت حماتي قالتلي

زينب

بقولك ايه ياسمر انا عايزاكي تخلصي اللي بتعملية بسرعة عشان ام يوسف جارتنا جايه تقعد معايا شويه

سمر

حاضر ياماما اديني هخلص اهو

وفعلا جاتها ام يوسف جارتنا واعدت هي حماتي وانا كنت في المطبخ وسمعت كل اللي بيقولو ولقيت حماتي بتقولها

زينب

ها يا ام يوسف معاكي صورة العروسه عايزة اشوفها عشان لما على يرجع بالسلامة نروح نخطبهاله علطول

ام يوسف

طبعا دي بنت زي البدر في ليلة تمامه هي بصراحة سمر مرات عادل الله يرحمة أجمل منها بكتير بس برضو البت قمر وحسب ونسب ومن عيلة تشرف

زينب

ايوه انا عايزة العيلة اللي تشرف دي بدال البومة اللي معايا اللي ابوها مصدق رامها لينا عشان مراتة مش عايزاها في البيت

ام يوسف

ليه بس يا ام عادل دي حتى سمر غلبانة وبنت حلال وكفاية انها عايشة معاكي لحد النهارده ومقالتش ياجواز مع انها زي حلوه والف مين يتمنوها

زينب

الف مين يتمناها ايه بس يام يوسف دي نحس واي حد ېخاف يقرب منها زي مادخلت عندي و ابني ماټ ملحقش يفرح بشبابة يا قلب امه وحتى معرفتش تحمل منه وتجبلي حته عيل يعوضني عن المرحوم

ام يوسف

لا ملكيش حق يام عادل ابنك الله يرحمة ده نصيبة وقدرة كده هو يعنى بايدها دي حاجة بتاعت ربنا البنت ملهاش ذنب في مۏتة اوعي تفكري في كده

زينب

يلا الله يرحمة ويغفر له ويعوض شبابه في الجنة ان شاء الله

ام يوسف

امين يارب العالمين بس انا كنت بقول اللي تعرفيها احسن من اللي متعرفيهاش

زينب

تقصدي ايه يام يوسف

ام يوسف

يعنى بقول ايه رايك لو تجوزي سمر لعلي واهي

البت معاكي وبتسمع كلامك وتحت طوعك

—

بدال ماتجي واحده من بره متعرفيش هتبقا عامله معاكي ايه

زينب

ياوليه انا لسه بقولك ايه تقولي اجوزها على عشان تبقا فقر عليه ويحصل اخوه لا لا طبعا وبعدين انتي مش بتقولي أن البنت اللي انتي جيبها دي بنت حلال وأهلها طيبين يبقا اكيد البنت هتبقا كويسه

ام يوسف

انا بس كنت قلبك عليكي وعايزة مصلحتك مش اكتر

زينب

لا وكمان انا عايزة لعلي واحدة بنت بنوت

ام يوسف

خلاص بقا يام عادل بشوقك بس ماوية تروحي للناس دول امتى

زينب

أن شاء الله على راجع بالسلامة الخميس الجاي وانا بقا لما يرجع هعرفة انا عملت ايه وهو بقا لما يرجع نروح لأهل العروسه

كل ده وانا كنت سامعة كلام حماتها عني وعرفت اد ايه الست دي پتكرهني ودخلت الاوضه ومسكت صورة عادل جوزى وافتكرت اليوم المشؤم اللي ماټ فيه

فلاش باك

عادل

انا نازل الشغل يا أمي ويمكن اتأخر النهارده مش محتاجة حاجة مني

زينب

لا يابني انا عايزة سلامتك

عادل

بقولك ايه يا أمي أنا عايزك تخلي بالك من سمر وتحطيها جوه عنيكي ياما ومش عايز مرات ابوها تضايقها انتي عارفه انها مش عايزاها عندها

زينب

دي سمر مراتك في عنيا ياعادل وانت ليه يابني بتقول الكلام ده حسك في الدنيا ربنا يخليك ليها

عادل

انا بقول بس ياما وخلاص عشان لو جرالي حاجة

سمر

بعد الشړ عليك ياعادل متقولش الكلام ده ياحبيبي ربنا يخليك لينا

عادل

ياسمر ده كلام بقوله وخلاص مفيهاش حاجة يعنى عشان انتي كمان تخلي بالك من امي وتخليكي عايشة معاها هنا متسبهاش لوحدك انتي عارفة اخويا على بيرجع كل سنه مره

زينب

يابني ربنا يحفظك ليا انت واخوك متقولش كده

عادل

حاضر ياما يلا انا ماشي خلو بالكم من نفسكم لا اله الا الله

سمر وزينب مع بعض

محمد رسول الله

وفي نفس اليوم بالليل لقينا اتصال جاي وبيقولوا ان عادل ماټ في حاډثة وفضلت عايشه مع حماتي من وقتها لأنها كانت وصيتة الله يرحمة وكمان انا مش هلاقي راجل زيه تاني ابدا في حنية وعطفة عليا

رجعت سمر من تفكرها ومسحت دموعها وقالت

الله يرحمك يا عادل لو كنت عايش مكنتش هترضي پهدلة امك ليا بس انا برضو عايشه معاها وبعامل ربنا فيها وعشانك انت كمان

زينب

بت ياسمر انتي يابت

سمر

حاضر ياماما جاية اهو

تعالي يابت شوفي صورة عروسة على ابني وصوريها وابعتهاله عشان اشوف راية ايه فيها

سمر

مش هو راجع بعد بكره خلاص ياماما لما يرجع يبقا يشوفها

زينب

لا ابعتيها دلوقتي عشان اشوف راية ايه بس البت زي القمر وهتعجبة صح

سمر

ايوه هي فعلا حلوه بس الله اعلم هتعجبة ولا لا مش يمكن متعجبوش

زينب

ومتعجبوش ليه ياختي ماهي في الصورة زي القمر اهيه

سمر

حاضر ياماما هبعتهالة

وفعلا اخدت الصورة وبعتها لعلي على الواتس واتصل على امه

زينب

ازيك ياعلي ياحبيبي انا مستنية اليوم اللي هترجع فيه بفارغ الصبر

على

انا كمان والله يا

امي عايز بعد بكرة يجي بسرعة لانك

—

وحشتيني اوي اوي والله

زينب

ياحبيب امك ترجع بالسلامة يارب المهم طمني شوفت الصورة اللي بعتتهالك سمر

على

ايه يا أمي شوفتها

زينب

طيب وايه رايك حلوه مش كده

على

اه يا أمي حلوه بس يعني خليها لما ارجع واشوف بنفسي وبعدين اهم حاجة عندي تكون اخلاقها كويسه ومحترمة زي سمر مرات عادل اخويا

زينب

بتقول ايه لا ياحبيبي أن شاء الله هتبقا احسن كمان

على

ههههه هي اعده جنبك مش عارفة تتكلمي والله يا امي سمر بنت حلال وطيبة وبتحبك اوي

زينب

اه منا عارفه انت هتقولي

على

طيب قوليلها بيقولك اخوكي على يجبلك ايه معاه من السفر وهو راجع

زينب

اكيد يعنى مش هتعوز حاجة وهو اصلا مخليه في نفسها حاجة دي طلبتها مجابة

على

يا أمي برضو اساليها ولا اقولك اديها التليفون اكلمها انا

زينب

كده طيب ياحبيبي اهي معاك اهيه خودي يابت كلمي علي

سمر

ازيك يا علي اخبارك ايه

على

انا كويس ياسمر ازيك انتي اوعي تكون امي مزعلاكي

سمر

لا طبعا ياعلي دي ماما دي بسلم وبعدين انت عارف دي امي حبيبتى

على

طيب قولي نفسك في ايه اجبهولك معايا وانا راجع من السفر

سمر

مش عايزة حاجة والله ياعلي عايزة بس سلامتك ياخويا

على

طيب ع العموم انا جبتلك شوية حاجات كده ويارب زوقي يعجبك

سمر

تسلم ياخويا وترجع بالسلامة يارب

وقفلت مع علي الخط وبعدها لقيت مرات ابويا بترن عليا وبتقولي ان ابويا تعبان ورحت عندهم

سمر

ازيك يابابا الف سلامه عليك مالك

مرات الاب

الله داخله ياختي على ابوكي جري من غير لا سلام ولا كلام

معلش يامرات ابويا اصل انا جايه قلقانة على بابا من ساعت ماقلتي انه تعبان جايه جري اطمن عليه

مرات الاب

طيب ياختي ابوكي عندك اهو اشبعي بيه يمكن آخر مره تشوفيه وسبتنا وخرجت من الاوضة

سمر بتزعق

استغفر الله العظيم ليه بس الكلام ده يا مرات ابويا ربنا يشفيه ويديلة الصحة والعافية يارب

الاب

سيبك منها ياسمر يابنتي دي وليه عقلها فوت المهم يابنتي طمنيني عليكي عامله ايه مع حماتك

سمر

الحمد لله يابابا اديني عايشه هعمل ايه اهي ساعات تقلب عليا هي كمان بس هعمل ايه وهروح فين يعنى

الاب

معلش ياسمر نصيبك كده يابنتي بس خلاص ان شاء الله هتتعدل ويكون اللي جاي احسن ويعرف يعوضك عن المرحوم

سمر باستغراب

هو مين ده يابابا اللي هيعوضني عن المرحوم

الاب

بصي ياسمر بصراحه كده انتي جايلك عريس شاب زي الفل هو واتكلم معايا وقالي انه شاريكي وانا وافقت عليه

سمر

وازاي توافق من متاخد رأي يابابا وانت عارف اني مش هوافق اصلا

الاب

ياسمر يابنتي انتي شابة وصغيرة وحلوه واعدتك مع حماتك دي ملهاش لزوم بقا يبقا تشوفي حالك مع راجل تاني يابنتي وربنا يصلح حالك

سمر

لا يابابا انا مش هتجوز بعد عادل وبعدين هو قبل مايموت موصيني على امة ولايمكن اخلف وصية عادل

وفي اللحظة دي دخلت مرات ابويا وقالت

وهي ياختي حماتك اصلا عايزاكي تعيشي معاها دي قايلة

للحته كلها انك وش فقر عليهم من لما

—

ډخلتي بيتهم واتجوزتي ابنها نحستيه وماټ

الاب

اسكتي انتي ياهيام انا وسمر بنتكلم متتدخليش

مرات الاب

ومتكلمش ليه ياخويا هو مش احنا بنتكلم معاها عشان عايزين مصلحتها ولا مش عشان مصلحتها ولا تكونش خاېفة تروح تنحس ناس تانيه

سمر

بقا كده الله يسامحك يامرات ابويا انا مش هرد عليكي وانت يابابا لو سمحت تشيل فكرة جوازي دي من دماغك خالص لاني مش هتجوز تاني وياريت كمان تنسوني ومتبعتوليش خالص

وسبتهم ومشيت من عندهم ورجعت لحماتي ولاقتني داخله بعيط

زنيب

مالك يابت راجعة بټعيطي ليه هو ابوكي تعبان اوي ولا ايه ولا تلاقي المخفية هيام زعلتك ماهي مبطقكيش قدامها

سمر اتصعبت واڼهارت من العياط وقالت

خلاص بقا ياماما انا مش ناقصه سبوني في حالي كفايه عليا اللي انا فيه

زينب

يوووه انتي بتزعقيلي يابت خلاص اديني هسيبك في حالك انتي حره

وسبتها حماتها وخرجت من اوضتها

وتاني يوم رجع على من السفر وامة فرحانة بيه وعدت الايام وعلى بيتعامل معايا زي اختة بالظبط ويمكن اكتر كمان

على

ايه رايك يا أمي اخدك انتي وسمر ونخرج نتفسح اكيد طبعا بقالكم فترة كبيرة مبتخرجوش من البيت

سمر

فعلا والله ياعلي مش مبنخرج ابدا من البيت

على

خلاص ادخلي جهزي نفسك ونخرج كلنا

وسبتهم ودخلت اوضتي البس

زينب