من ساعه ما اتجوزت
من ساعة ماتجوزت وانا مش سعيدة في حياتي معاملة سيئة وضىرب وإهىانة على اتفه الاسباب اتجوزت في محافظة تانية بعيد عن اهلي وكنت متخيلة انه هيعوضني عن بعدي عنهم بس إتفاجئت بعكس كدة تماما حاولت استحمل كتير لكن مقدرتش طلبت منه الطىلاق لكنه رفض بشدة
وياريته رفض بس دة اعتبر طلبي للطىلاق إهىانة ليه وبقى يدل فيا ويعدبني اكتر منعني من الخروج وبعدني عن الناس كلها حتى امي منعني اني اشوفها ولا اكلمها في التليفون حاولت اهرب واسيب البيت لكن كل مرة كان بيرجعني تاني غصب عني عشان انا مليش حد والدي متوقي وامي ست كبيرة ومريضة فماكنش بيلاقي حد يقف قصاده
كنت ساعتها لسة مش فاهمة هو ليه بيعمل كدة ليه متمسك بيا رغم انه مش بيحبني ليه مصمم يرجعني البيت معاه وهو بيكرهني ليه كل مرة يضر,بني ويشىتمني
وبعدها ينىام معايا عادي ولا اكنه عمل حاجة
ماكانش فيه غير جارتي وفاء هي اللي بتهون عليا العداب اللي انا فيه كنا دايما بنتكلم مع بعض من شباك المنور اول ما جوزي وجوزها ينزلوا اشغالهم
هي ست طيبة اوي وجوزها راجل غني مغىرقها هدايا وفلوس على امل انها هتخلفله الولد اللي بيحلم بيه هي معاها بنتين وحاليا حامل في الشهر التالت و دايما تقولي استحملي بكرة لما تخلفي يمكن يتعدل وربنا يهديه
حاولت استحمل وجيت على نفسي كتير عشان عارفة لو هربت هيعمل فيا ايه
لغاية ما في يوم كان راجع تعبان من الشغل ومعاه كيسة سودا كبيرة دخل خباها في الدولاب بسرعة ومن كتر تعبه نام وهو قاعد على الكرسي والموبايل مفتوح في ايده
طبعا الفضول كان هيموتني عشان اعرف مخبي ايه في الكيسة لكن في نفس الوقت ماكنش ينفع اضيع فرصة ان موبايله مفتوح من غير باسورد دي تعتبر احسن فرصة اقدر اكلم فيها مامتي واطمن عليها من غير مايحس بيا
مسكت موبايله واتسحبت بعيد بالراحة اوي عشان مايحسش بيا لكن قبل ما اتصل شوفت حاجات على الموبايل خلتني ابلم من كتر الصدمة ماكنتش قادرة اصدق اللي شوفته رجعت الموبايل مكانه بسرعة وروحت افتح الدولاب قبل مايصحى اشوف في ايه في الكيسة اللي مخبيها و تقريبا كنت متوقعة هلاقي فيها ايه بعد اللي شوفته على الموبايل وفعلا لما فتحتها لقيت ظني طلع في محله
جريت على وفاء جارتي استنجد بيها لقيتها منهارة بتقولي الحقيني اتصرف ازاي
كانت عمالة تتكلم بسرعة وتعيط لدرجة ماكنتش سامعة معظم كلامها ولا كنت قادرة اركز معاها بسبب المصـــ,يبة اللي انا فيها
بس اللي فهمته انها كانت عند الدكتور وعرفت انها حامل في بنت ل تالت مرة وان جوزها حالف عليها لو طلعت حامل في بنت هيرميها هي وبناتها في الشارع ومش هيصرف عليهم وهي اساسا مقطوعة من شجرة ومالهاش حد
حاولت اسكتها عشان تسمعني لكن من غير فايدة روحت مصىرخة فيها جامد عشان تسكت
اسمعيني بقى يا وفاء انا في مىصيبة كبيرة
بصتلي باستغراب زي ماتكون فاقت ولسة واخدة بالها اني بعيط
في ايه يا سلمى مالك
انهرت من العياط وانا بحكيلها
انهرت من العياط اكتر وانا بقولها
