إشتغلت في بيت واحد بينحت تماثيل
قابلتها أول مرة في نفس المترو دا يمكن كمان تكون نفس العربية لا كنت أعرفها ولا كانت تعرفني بس لقيت نفسي فجـ,ـأة بفضفض معاها بحكي لها همي كله بكلمها عن جوزي اللي مـ,ـات وسابلي ٣ عيال في رقبتي عن قلة حيلتي في الدنيا وأنا مش عارفة هأكلهم أو هشربهم منين سمعتني باهتمام فعلا وبدون ما تعلق بولا كلمة وبمجرد ما خلصت كلام طلعت من شنطتها فلوس وكانت عايزة تديهالي حاولت أفهمها إني مش بحكي عشان كدا وإنها فهمتني غلط وإني بفضفض لحد ما أعرفوش عشان لا يحكم عليا من ناحية ولا هنتقابل تاني.
ابتسمت لما افتكرت إنها بعد إصرار مني إني مش هاخد الفلوس دي رجعت الفلوس في شنطتها تاني وخدت رقم تليفوني ووعدتني هتكلمني قريب لما تلاقي ليا شغل.
في الأول.. قلت إنها ولا هتتكلم ولا هتفتكرني من الأساس أهو كلام بتريح بيه ضميرها وخلاص بس كتر خيرها يعني.
بعد كام يوم.. صحيت من النـ,ـوم على صوت تليفوني بيرن رقم غريب بيرن عليا رديت واكتشفت إنها هي مدام رانيا..
اللي قابلتني في المترو قالتلي إنها جايبالي شغل هنضف بـ,ـيت حد من معارفها لا يمكن كنت أتخيل إني ممكن أنضف بيـ,ـوت في يوم من الأيام لولا بس الحوجة!
بس في الآخر دا شغل وحلال ومفيش حاجة عيب في الشغل خصوصا لو بمرتب حلو أوي زي اللي كانت عارضاه عليا ألف جنيه في اللـ,ـيلة!
طلبت مني أسيب
العيال عن والدتي وأروح البيـ,ـت بالليل متأخر عشان أقابل صاحب البيـ,ـت وأفهم منه كل حاجة مع ضمان إنه مش هيكون في البيـ,ـت وقت التنضيف أصلا.
كان رفيع شعره طويل ومنكوش لابـ,ـس قميص مفتوح ومش لابـ,ـس حاجة تحته وبنطلون من البناطيل المقطعة اللي طالعة موضة دي سلسلة طويلة متعلقة في رقبته وحظاظات كتير وسبح لافة حوالين إيديه شكله مكانش عاجبني..
بس أنا مالي وماله يعني أنا جاية أعمل شغلي وأمشي كان ماسك في إيده سيجـ,ـارة إليكترونية سحب منها نفس وهو بيقول رانيا كلمتني عنك شكرت فيكي أوي بصي.. أنا البيـ,ـت بتاعي هو المكان اللي بعيش وبسهر وبشتغل فيه أنا نحات.. مهيب النحاس.. أشهر نحات في مصر أكيد سمعتي عني!
وقبل ما أقوله إن عمري ما سمعت عنه كان بيقول مش مهم.. مش مهم.. المهم.. البيـ,ـت بقاله شهور مبيتنضفش تنضفي كل حاجة وترجعي كل حاجة مكانها البيـ,ـت يتمسح كويس والحاجة تترتب الستوديو بتاعي دا اللي هناك دا المكان اللي بيتولد فيه فني هتلاقيه مليان تماثيل وعدة نضفي الاستوديو من غير ما تحركي حاجة من مكانها يا..
قلتله زينب
سحب نفس تاني من السيجارة بتاعته وهو بيقول مش مهم.. مش مهم.. المهم.. التماثيل تفضل دايما باصة للحيطة يا اسمك إيه إنت فاهمة دي أهم حاجة.. ممنوع تلفي وش أي تمثال لوقت طويل مسموح لك تلفي التمثال عشان تنضفي من وراه لكن ترجعيه مكانه تاني.. لازم يبقي باصص للحيطة.. مفهوم
هو فيه إيه
