سمير صبري وام كوكو
-ايه أغرب فرح غنيت فيه يا أستاذ سمير ؟؟ =كان فرح في اسكندرية ، في يوم جاتلي واحدة سـ. ـت في الاوتيل اللي انا قاعد فيه قالتلي “استاذ سمير اعرفك بنفسي انا أم كوكو ، كوكو ده ابني الوحيد وعايزاك تحيي فرحه” ، قلتلها “حاضر يا هانم تحت امرك” وحددت هي ميعاد الفرح في اكتوبر واحنا كنا وقتها لسه في الصيف يعني قدامه بتاع 6 شهور ..
بعد اسبوع قاعد في بيسين الاوتيل لقيت ام كوكو جاية تاني “استاذ سمير انا ام كوكو انا جيتلك من اسكندرية مخصوص عشان اسال حضرتك البنـ. ـات اللي هيمشوا في زفة كوكو يلبىسوا اصفر ويعملوا الريبون ازرق ولا يلبىسوا ازرق ويعملوا الريبون اصفر ؟!” ، قلتلها “اسألي كوكو هو بيحب ايه وبعدين بدل ما تكلفي نفسك وتيجي من اسكندرية كنت كلمتيني في التليفون !” .. فات 15 يوم وانا في اوضتي باخد دش في الحمام ولقيت صوت جايلي من برا “استاذ سمير انا ام كوكو” ، قلتلها “يخـ,ـربيتك خليكي برا يا ام كوكو انا مـ,ـط وبستـ,ـحمى !!” ، خرجت خير يا ام كوكو ، قالتلي “يوم الفرح احنا هنروح الكنيسة الساعة سبعة هنخلص تمانية ، تسعة الا ربع هنكون قدام الاوتيل ، تسعة وخمسة الزفة وخلي بالك الساعة اتنين كوكو لازم ينزل القاهرة عشان طيارته على باريس الساعة 6 الصبح ” وكاتبالي ورقة كاملة ببروجرام الفرح قبله بـ 6 شهور ..
المهم على مدار الـ 6 شهور ام كوكو زارتني يمكن 17 او 18 مرة في اسئلة من النوع ده زي ان الفرح هيبقى في رمضان ومعظم المدعوين مسـ. ـلمين فإيه رأيك نعمله سحور ، مرة تانية تقولي نعمله في كنيسة الابراهيمية ولا كنيسة سان ستيفانو ، مرة تالتة تقولي نجيب مين ترقىص دينا ولا فيفي وهكذا .. الحمدلله وصلنا لاكتوبر وجه يوم الفرح رحت على اسكندرية ، نزلت الاوتيل اذن المغرب فطرت وعلى الساعة 9 كده كلمت الريسيبشن العروسة جات قالوا لأ ، فضلت مستنيهم من 9 لحد الساعة واحدة الا خمسة لما وصل موكب العروسة ونازلة ام كوكو منهارة وبتعيط وبتقولي “شفت يا استاذ سمير المىصيبة اللي انا فيها واحنا رايحين الكنيسة قفلوا الكورنيش عشان الريس كان رايح ابو العباس يحضر ليلة رمضانية ، اتأخرنا وعلى بال ما خلصنا في الكنيسة واحنا خارجين الريس كان خلص السهرة وراجع القاهرة فقفلوا علينا المرور تاني !!” ..
الريس بوظ فرح كوكو ، فقلتلها “من نقك يا ام كوكو 6 شهور مزهقاني في عيشتي بفرح كوكو وعاملالي ورقة وتسعة وربع وتسعة خمسة ، انتي تسكتي خالص وسيبيني اتصرف !” قالتلي حاضر .. ندهت بتاع الزفة قلتله خمس دقايق تكون دخلت العريس والعروسة ع الكوشة ، ندهت بعده المتر قلتله اول ما يقعدوا نزل طبق البوفيه ، خلص البوفيه على واحدة وتلت ، طلعت غنيت ونزلت العريس والعروسة قطـ. ـعوا التورتة ورجعتهم الكوشة كل ده من واحدة وتلت لاتنين الا ربع وبعدها خدت كوكو قلتله اطلع البىس عشان تلحق ميعاد الطيارة وطلعت امه وراه تعيط وتقول كوكو حبيبي هيسيبني ويسافر .. بس وده كان اسرع فرح عملته في حياتي عشان خاطر عيون كوكو
