مرات أبني

2

مرات ابني

نجيه

هو في ايه بالظبط ماله طارق ايه اللي حصل ما تتكلموا يا جماعه

سيد

والله ما نعرف يا ستنا جايه هو كان قاعد قصادنا على القهوه ولا لقينا فجاه بوقه اتعوج كده ومش قادر يتحرك خالص وما نعرفش في ايه

نجيه

يا حبيبي يا طارق وبعدها دخلتوا علي السرير

وراحت ل هنا

نجيه

بقولك ايه لحد طارق وانا مش هسكت لك انا عارفه ومتاكده كويس قوي ان أنتي السبب في اللي حصله ده انت واخده شر امك بالظبط

هنا

هو انا كنت عملت حاجه عشان نتعلم بعد كده يحط لسانك وبقه بلاش يتكلم في اي حاجه

نجيه

بالله عليك يا هنا الله يخليكي بلاش هو انت ما تعرفيش انا بحبه ازاي هو ما يعرفش اي حاجه عنك والله

هنا

اتجوز احمد وكل شي هيكون تمام

نجيه

انا عارفه مو كويس قوي يا سعيد هتوافق على الجوازه دي خلاص يا بنتي كل شيء قسمه ونصيب وانسي الموضوع بقى

هنا

قولتك احمد هيجي يتجوزني وبعدها جوزك

هيرجع زي ما كان بلاش يا خالتي تكوني عامله كده علشان انتي ما تعرفيش طارق عامل ايه من وراكي

نجيه

بلاش انتي هنا تدخلي فيلم ملكيش فيه وخليكي في حالك لو سمحت

هنا

هانت وماشيه من البيت ده خالص

وبعدها احمد كان في شقه امه

الام

لا يا احمد انا قلت لا يعني لا عايز تتجوز واحده مش بنت بنوت ليه يعني يا ابني هو انت ناقصك ايده ولا رجل مالها شيماء

احمد

ثاني يا ماما هتنتكلم في الحوار ده اهو جوز خالتها قال اللي حصل ده مكانش بمزاجها

وبعدين بقي اللي حصل حصل يا ماما

وانا ليا ان البت مؤدبه

الام

يا بني اسمع مني انا الجوازه دي قلبي مقبووض منها بالله عليك ابعد عنها ولو مش عاوز بنت خالتك انا مستعده اشوف واحده تانيه والي تشاور عليها بس بلااش البنت دي انا قلبي مش مستريح ليها

احمد بحده

وانا هتجوزها يعني هتجوزها ولو مش عاجبك روحي اقعدي عند خالتي علي ما اظن الشقه مكتوبه باسمي وانا اقرر اعمل اي ومعملش اي

الام

لا انت اكيد مش احمد ابني الي قدامي احمد ابني ميقولش الكلام ده ليا

اخمد

هو دا الي عندي وزي ما قولتلك انا هتجوز هنا يعني هتجوزها

الام

اعمل الي انت عاوزو بس مترجعش تندم في الاخر وتقول يريت سمعت كلمه امي في الاخر

واعمل حسابك انا مش هاجي معاك في اي مكان

لو حابب تروح روح انت لوحدك وبطولك سمعت

وبتروح سيباه وداخله علي جوه

وفي الوقت ده كانت نجيه واقفه قدام طارق وكانت عماله تعيط

نجيه

ليه يا طارق فتحت بقك واتكلمت وانت عارف كويس ان هنا مبترحمش حد وواخده الشر من امها

واول ما طارق بيسمع كده بيعمل صوت من بقو وبيحاول يتكلم بس مبيعرفش

نجيه

طب اهدي بالله عليك يا طارق انا كلمتها وقالت ليا ان كل حاجة هترجع زي الاول بس تتجوز الي اسمو احمد اهدي بس الدنيا هتبقي تمام

وفي الوقت ده نجيه بتسمع خبط في اوضه هنا واول ما بتلاقي كده بتروح راحه ليها

هنا بصوت تخين

هو انا مقولتش الف مره محدش يدخل الاوضه دي طول ما النور مولع ولا انتي حابه تتاذي اخرجي بره

واول ما نجيه بتلاقي كده بتروح خارجه بسرعه وهيه عماله ترتعش

نجيه

الي انا شوفتو دا حلم ولا حقيقه احفظنا يارب انا مش فاهمه عقلي كان فين لما قولت ليها تيجي تقعد معايا

ونسيت ان تقلب القدره علي فمها تطلع البنت لامها اتصرف الزاي بس دلوقتي

وتاني يوم فعلا بيجي احمد لوحدو وبيتفق علي كل حاجه وبيروح. واخدني ونقعد سوا وبقول

هنا

هو انت مجبتش ليه الست والدتك وانت جاي اوعي تكون مش موافقه علي الجوازه دي انا كده ممكن ازعل

احمد

معلشي يا هنا واحده واحده واكيد لما نتجوز وهتشوف معاملتك هتتغير وواثق انها هتحبك

بس بصراحه كده انا عاوز اسالك سواا وتجاوبي عليا بصراحه

هو الي حصل ليكي حصل الزاي

هنا

هو هيفرق معاك في اي لما تعرف الي حصل ولو حابب ميحصلش مشاكل بنا يبقي متسالنيش علي الحوار ده علشان كل ما افتكرو انت متعرفش ببقا مخنوقه الزاي

احمد

وطالما انتي هترتاحي لما مش اسالك في حاجه زي دي يبقي خلاص الي ريحك

ولو كده نخلي الفرح الخميس الي جاي انتي متعرفيش انا مبسوط اد اي ان انا هتجوزك

وبتعدي الايام وفعلا بنتجوز انا واحمد واول ما بيدخل بيا النور بيتقطع

احمد

غريبه دي المنطقه الوحيده بتاعتنا دي النور مبينقطعش فيها لو كده اشوف كشاف ينور لينا الاوضه

هنا

كشاف ايه انا اصلا مش بحب النور كده وبصراحه كده احسن وبالذات انت متعرفش انا مكسوفه الزاي

احمد

والي انتي عاوزاه انا هعملو وبيروح مقرب مني

وبيعدي اول ليله وتاني يوم بخرج من الاوضه واول ما حماتي بتشوفني بتبص ليا بقرف وبتروح داخله علي جوه

احمد

هنا مالك يا حبيبتي واقفه كده ليه انتي كويسه

هنا

بصراحه كده انا مش عارفه اقولك اي بس شكل انا ومامتك مش هنستريح سوا

وشكلها مش هتحبني ولا هتتقبلني

احمد

معلشي يا هنا هيه برضو زعلانه ان انا مقولتلهاش علي الفرح واتفاجاه وانا داخل بيكي

علي العموم شويه وهتروق انتي متعرفيش قلبها ابيض الزاي

وبيقاطع كلامنا خبط علي الباب ولما بروح علشان افتح بلاقيها خالتي

التالي