رضيت بالغلب

رضيت بالغلب والغلب مش راضي بيه هو ده بالظبط المثل اللي ينطبق عليه عارفين ليه اقولكم ليه ،انا زوجه اتجوز عليها زوجها بعد خمس سنين بالظبط من جوازنا بعد ما جبت بنتي وابني ،هو سافر لبلد عربي وهناك اتعرف عليها من عن طريق

النت حبها واتجوزها من غير ما اعرف نزل مره واتجوزها وسافر ولا انا اعرف ،ارجو متابعه مشكلتي على وعشان انا ساكنه في بيت عيله وحماتي سكنه تحتيه وباقي اخواته الرجاله سكنين فوق مني عرفت انه اتجوز وكمان خلف ،كانت ايام صعبه عليه جدا بس الصراحه حماتي وحمايا حتى اخوات جوزي بيعملوني حلو وكانوا في صفي وقالولي عيشي عشان عيالك ،

بس اللي حصل ان جوزي ولا عبرني ولا حتى سأل فيه وبقيت ذي المتعلقه لا طايله سما ولا حتى واقفه على الارض ،المهم انا طول الشتا بكون في بيتي عشان دروس ومدارس عيالي ولما بيجي علينا الصيف بروح اقعد عند امي وابويا عشان الصراحه بتعب من خدمه حماتي رغم اللي ابنها عامله فيها لكن والله براعي ربنا فيها هي وحمايا واقول دول ناس كبار وفي

نفس الوقت حماتي تبقى قريبه امي من بعيد ،وبتفضل تصبر فيه وتقولي انا بكلمه يا بنتي عشان ميسيبكيش كده بسمع منها واسكت ،كل ده كان تمام لغايه ما روحت اقضي الصيف عند امي وبعدين لاقيت حماتي بتتصل بيه عايزاني اروحلها المهم اخدت العيال وروحتلها وقعدت معاها وقالتي وحشتيني يا حبيبتي وبصي البيت من غيرك مضلم ووحش ازاي صعبت عليه

قومت ظبطلها الدنيا عندها ولاقيتها بتقولي طب وبيتك فوق قولتلها مالو قالتي ظبطيه طا قولتلها لما ابقى ارجع على اخر الصيف قالتي معلش اطلعي شوفي لايكون في حاجه باظت ولا حاجه من الحر ده طلعت ولاقيت الدنيا هباب نفسيتي مجبتنيش غير وانا مخلصه تنضيف الشـ,قه واخر الليل روحت انا والعيال ،ومفيش يومين لاقيت جارتي حبيبتي بتتصل بيه وبتقولي حاجه غريبه بتقولي…… بقية مشكلتي في اول تعلييق

بتقولي حمد الله على سلامه ابو الاولاد ايوه كده رجعتو لبعض والحمد لله طب ياسيتي كنتي قولي كنت فرحتلك قولتلها ايه الكلام اللي بتقوليه ده راجل مين ورجعنا ايه قالتلي الله امال مين اللي فاتح الشــ,قة عندك قولتلها معرفش قالتلي لا انا شايفه ابو العيال قصادي في الشقة الصراحه مكدبتش خبر وروحت جري على بيتي لاقيت والدة زوجي بصالي ( بصدمه ) قولتلها هو في حد في شقتي قالتلي تعالي بس افهمك طلعت لاقيت كــارثة البيه جايب مراته

من محافظتها عشان تقعد معاه في شقـــ,تي ادام انا قفلاها وقاعده عند امي ،نزلت لحماتي قولتلها يبقى انتي كنتي جيباني عشان انضف لهم الشــ,قة عشان ينسجموا فيها حرام عليكي يا شيخه

،روحت وانا منهارة وحماتي عماله تتصل بيه وانا خلاص كانت هي اللي مصبراني على الجوازة دي انـا طلبت الطلاق بس هم رافضين قولولي اعمل ايه واكمل ازاي بس